File:2021-05-30 Porto Tibar.jpg
Pagamentu ne’e halo hafoin progresu konstrusaun Portu Baía Tibar atinji 50% no tuir planu sei ramata no hahú halo operasaun iha maiu 2022.
Bainhira ramata no hahú halo operasaun, Portu foun no modernu ne’e, sei fasilita movimentu importasaun no esportasaun sasán-sira, reduz atrazu, kustu tranzasaun inklui tempu libertasaun kontentór, hodi bele fasilita di’ak liután empreza no sira-nia atividade komérsiu.
Operasaun Portu Baía Tibar ne’e sei fasilita efisiénsia iha servisu alfandegáriu ne’ebe konsidera hanesan pasu importante ida ba MF iha ámbitu Reforma Fiskál no Jestaun Finansas Públiku ne’ebé mak hahú ona dezde 2015. Efisiénsia hirak ne’e mós sei ajuda Governu liuhusi MF no mós utilizadór Portu hanesan importador-sira atu kolekta reseitas ho maneira ida ne’ebé, lailais, justu no transparente.
Portu foun no modernu ne’e sei inklui ka’is ida ho bersus rua no terminál kontentór ho kapasidade movimentasaun kontentór hamutuk millaun ida kada tinan. Portu ne’e sei liga Timor-Leste ba merkadu komérsiu globál no sei hasa’e liután Timor-Leste ninia asesu komérsiu ba merkadoria-sira hanesan agrikultura, turizmu, peskas, pekuária no mós indústria sira seluk – dalan ida atu ajuda Timor-Leste diversifika ninia produsaun. Ikus liu, operasaun Portu ne’e sei fasilita Timor-Leste ninia konektividade maritima iha rejiaun Ázia no seluk.
To’o iha fulan-fevereiru, 2021, kompaña China Harbour ne’ebé hetan kontratu husi kompaña Timor Port hodi halo konstrusaun, sub-kontrata ona servisu balun ba kompaña 61 ho montante osan millaun $20,4 no fó ona benefísiu direta no indireta ba traballadór Timoroan hamutuk pesoál 375. Husi totál kompaña 61 ne’e, kompaña lokál 39, kompaña internasionál ne’ebé estabelese iha Timor-Leste 21 no kompaña internasionál 1.
Daudaun ne’e, totál traballadór-sira ne’ebé mak servisu iha projetu konstrusaun Portu Baía Tibar hamutuk pesoál 1.134. Husi númeru ne’e, traballadór Timoroan hamutuk pesoál 691 (60.93%).
Konsesionáriu Timor Port, Independent Engineer, Unidade Jestaun Projetu, Portu Baía Tibar no Autoridade Nasionál ba Lisensiamentu Ambientál (ANLA, sigla Portugés), periódiku halo monitorizasaun ba impaktu ambientál no konforme relatóriu mensál ne’ebé submete husi Konsesionáriu nomós inspesaun husi ANLA relata katak laiha impaktu boot ba ambientál ho indikadór konstrusaun Portu Baía Tibar – zero kazu polusaun ambientál no zero lixu perigozu.
Relasiona ho dezenvolvimentu konteúdu lokál ba fatin rekreativu no desportivu (bluezone), konsesionáriu Timor Port sei implementa iha períodu konstrusaun nia laran. Unidade Jestaun Projetu, Portu Baía Tibar mós halo hela diskusaun ho Ministériu Edukasaun atu asegura fatin iha Eskola Primária 1,2,3 Cassait, Ulmera hanesan fatin Bluezone ba tempu naruk atu bele sustentável.
Konstrusaun Portu Baía Tibar ho modalidade PPP husi parseria entre Governu Timor-Leste ne’ebé aloka millaun $130 iha Fundu Viabilidade (VGF, sigla Inglés) no Timor Port, subsidiáriu husi Bolloré ho millaun $150, hamutuk millaun $280 ba faze inísiu husi totál investimentu estimativu millaun $500 ba tinan 30.
Projetu ne’e hanesan projetu interese públiku ne’ebé lidera husi Komisaun Interministeriál ho nia membru atuál mak Ministru Finansas, Ministru Obras Públikas, Ministru Planu no Ordenamentu no Ministru Transporte no Komunikasaun. ***
📸: Independent Engineer(Reusing this file)
This file is in the public domain in East Timor, because it is published and distributed by the Government of Democratic Republic of Timor-Leste, according to Article 13 of the Indonesia Copyright Law No 6, 1982, which was still valid in East Timor from independence on 20 May 2002 until 27 May 2023.
There shall be no infringement of Copyright for:
|
Per U.S. Circ. 38a, the following countries are not participants in the Berne Convention or Universal Copyright Convention and there is no presidential proclamation restoring U.S. copyright protection to works of these countries on the basis of reciprocal treatment of the works of U.S. nationals or domiciliaries:
As such, works published by citizens of these countries in these countries are usually not subject to copyright protection outside of these countries. Hence, such works may be in the public domain in most other countries worldwide. However:
East Timor has enacted the Code of Copyright and Related Rights in November 2022, it came into force on 28 May 2023. Note: As per Commons policy, this tag alone is not sufficient. You also need to supply a tag that describes why the work is public domain in its country of origin. |